أنا شهد
TRAVEL WITH SHAHD مرحباً، أنا شهد، مؤسسة
بدأت فكرة المشروع من حبي الكبير للسفر واكتشاف أماكن جديدة حول العالم. ومع الوقت، صارو كثير من صاحباتي يطلبو السفر معي بسبب البرامج المميزة، الأجواء الجميلة، والتجارب المختلفة التي كنت أخطط لها في كل رحلة
من هنا وُلدت الفكرة
هدفي هو أني أقدم رحلات مخصصة للبنات تجمع بين المغامرة، الاستكشاف، الراحة، والذكريات التي تضل معنا لسنوات. كل رحلة بخططلها وكأنني بخططلها لنفسي، مع الاهتمام بأدق التفاصيل لضمان أفضل تجربة ممكنة
مع مش رح تكون الرحلة مجرد زيارة لمكان جديد، بل فرصة لصناعة صداقات جميلة، خوض تجارب مميزة، واكتشاف العالم بطريقة مختلفة
لأن أجمل الذكريات تُصنع أثناء السفر
يسعدني أشارككن المغامرات و نصنع ذكريات لا تُنسى معاً
أمان وراحة بال
بعرف شعور التوتر قبل أي سفرة، خصوصاً لو كنتِ لحالك. عشان هيك بهتم يكون الجو مريح من أول يوم. رح تكوني دايمًا عارفة شو عم بصير، وين رايحين، ومع مين، بمكان كلو ترحيب.
ليش تسافري معي
ليش تسافري معي؟
لأنك مش راح تكوني مجرد مشاركة برحلة، راح تكوني جزء من تجربة حلوة مليانة مغامرات وذكريات
أنا بختار الوجهات والفعاليات اللي عنجد بتستاهل، وبحاول دايمًا يكون في توازن بين المغامرة، الاستجمام، والوقت الحلو مع البنات
إذا بتحبي تتعرفي على ناس جداد، تعملي ذكريات، وتطلعي من منطقة الراحة تبعتك شوي، فأنتِ بالمكان الصح
كل التفاصيل من المواصلات للفعاليات وللبرنامج بتكون مرتبة، عشان تستمتعي بالرحلة بدون وجع راس أو توتر
والأهم من كل هاد، إنك ترجعي ومعك ذكريات وقصص وصور بتضلك تتذكريها سنين
صديقات مش غريبات
أغلب البنات بشاركوا لحالهم وبيرجعوا بتلفون مليان ذكريات وجروب واتساب ما بيسكت. بنشارك الفطور، والضحك العالي، وسهرات الحكي، واللحظات اللي بنقول فيها "مش مصدقة إننا عملنا هيك".
تخطيط مريح وبدون هم
أنا بمسك عنك كل شي؛ من الطيران والسكن للمواعيد. إنتِ بس جهزي شنطتك، وتعالي استمتعي. لا وجع راس مع الحجوزات، ولا توتر اللحظة الأخيرة، ولا دراما "مين رح يحجز شو".
لحظات حقيقية مش صور بس
أكيد رح نصور صور تجنن، بس التركيز هو على شعور الرحلة. بنجمع بين المغامرة واللحظات الرايقة: بحر، مشي بالمدينة، أكل محلي، موسيقى، وضحك من القلب. هي مش جلسة تصوير، هي حياتك الحقيقية بمكان جديد.